Բերեզովսկին կշարունակի խաղալ հավաքականում, եթե միանա «Փյունիկին»
«Արմենիա» հեռուստաընկերությամբ հեռարձակվող «Ֆուտբոլային ժամը» հաղորդման ժամանակ պարբերաբար քննարկվում են հայկական ֆուտբոլին առնչվող կարևոր հարցեր: Այս անգամ անդրադարձ կատարվեց նաև Հայաստանի հավաքականի դարպասապահ Ռոման Բերեզովսկուն և այն հարցին, թե արդյոք Բերեզովսկու՝ կարիերան ավարտելու խոսակցությունները նշանակո՞ւմ են, որ նա այլևս չի խաղա ազգային հավաքականի կազմում:
Հաղորդավար Էդուարդ Քալանթարյանը նշեց, որ հաղորդման շրջանակներում հեռախոսակապ է հաստատվել Հայաստանի հավաքականի գլխավոր մարզչի պաշտոնակատար Սարգիս Հովսեփյանի հետ, ով հայտնել է, որ, եթե Ռոման Բերեզովսկին Չեմպիոնների լիգայի երկրորդ փուլում միանա Երևանի «Փյունիկին», ապա կշարունակի հանդես գալ նաև Հայաստանի հավաքականում:
Երևանյան ակումբին չմիանալու դեպքում հավաքականի 41-ամյա լեգենդար դարպասապահը կավարտի կարիերան:
Սիրարփի Աղաբաբյան
