Հայտնի է Քիմ Քարդաշյանի երկրորդ երեխայի սեռը
Keeping Up With the Kardashians ամերիկյան ռեալիթի շոուի աստղ Քիմ Քարդաշյանը Facebook սոցցանցում հայտնել է իր երեխայի սեռը:
Քարդաշյանը լուսանկար է հրապարակել, որտեղ պատկերված են նրա ամուսինը՝ ռեփեր Քանյե Վեսթն ու դուստրը՝ Նորդը ու կատարել է հուզիչ գրառում.
«Դու այնքան լավ հայր ես Նորդի համար ու լավագույն հայրիկը կլինես մեր որդու համար նույնպես»:
Մեկ այլ լուսանկարում, որտեղ Քանյեն համբուրում է Նորդին, Քիմը կատարել է հետևյալ գրառումը,
«Ես այնքան երջանիկ եմ՝ ամուսնացած լինելով մի մարդու հետ, ով այդքան սիրում է իր դստերը: Շնորհակալություն, որ այդքան լավ հայր ես: Մենք շատ սիրում ու գնահատում ենք քեզ: Մենք շատ օրհնված ենք, որ դու մեր կողքին ես»:
