Մենք չենք պլանավորել Աբխազական երկաթուղու վերաբացում. Կվիրիկաշվիլի
Грузия Online-ի փոխանցմամբ՝ Վրաստանի էկոնոմիկայի նախարար Գեորգի Կվիրիկաշվիլին լրագրողների հետ զրույցում հայտարարել է, որ Աբխազիայի ու Հարավային Օսիայի տարածքով երկաթուղային տարանցման վերականգնման մասին խոսք չկա և չի էլ կարող լինել:
Կվիրիկաշավիլին այդ կերպ է մեկնաբանել վարչապետի հատուկ ներկայացուցիչ Զուրաբ Աբաշիձեի այն հայտարարությունը, որ աճում է Վրաստանի տարածքով ապրանքների տարանցում իրականացնելու հանդեպ ռուսական ընկերությունների հետաքրքրությունը:
Ծովային նավահանգիստների միջոցով բեռների տարանցման հետ կապված՝ Կվիրիկաշվիլին հայտարարել է, որ դրանում չկա նոր բան, քանի որ վրացական նավահանգիստների հզորությունը վաղուց և ամբողջովին օգտագործվում է.
«Աբխազիայի, Ցխինվալի շրջանի տարածքով բեռների տարանցման վերականգնման մասին խոսք չկա և չի կարող լինել, քանի դեռ գոյություն ունեն քաղաքական խնդիրները»:
