Մեր առաջարկները շարունակ մերժվում են. Ուորլիք
Haqqin.az պորտալի փոխանցմամբ` ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել է, որ նախորդ տարի զորքերի շփման գծում լարվածության աճը չափազանց մտահոգիչ էր, և որ դա ի ցույց է դնում հակամարտության կարգավորման վերաբերյալ բանակցություններում առաջընթաց գրանցելու իրենց փորձերի տապալումը:
Ուորլիքը կողմերին կոչ է արել խստապես պահպանել հրադադարի ռեժիմը. «Համանախագահներն առաջ էին քաշել մի շարք առաջարկներ, որոնք ստատուս-քվոն կփոխեին դեպի լավը` բարձրացնելով թափանցիկությունն ու բարելավելով անվտանգությունը, սակայն դրանք հետևողականորեն մերժվում են:
Մենք նույնպես կցանկանայինք, որ կողմերը դիտարկեին մարդկանց միջև շփումների ծրագրերի մասին մեր առաջարկները, ինչը հնարավորություն կտար վստահություն հաստատել հայ և ադրբեջանական համայնքների միջև»:
