Փակվել է ռուս-վրացական սահման տանող ճանապարհը
Новости-Грузия լրատվական գործակալության փոխանցմամբ՝ ռուս-վրացական սահման տանող Մցխեթ-Ստեփանծմինդա-Լարս ավտոմայրուղու Գուդաուրի-Կոբի հատվածում արգելվել է ավտոտրանսպորտի բոլոր տեսակների շարժը:
Դրա պատճառն առատ ձյունն է և ձնահյուսի վտանգը: Այս մասին այսօր հայտարարել է ավտոճանապարհների դեպարտամենտը: Ավտոմայրուղու 134-135-րդ կիլոմետրերին՝ Դարյալի կիրճում, արգելվել է ավտոտրանսպորտի կանգը: Ճանապարհի մնացյալ հատվածներում շարժն ազատ է:
