Պորոշենկոն ու Բան Կի Մունը քննարկել են Դոնբասում խաղաղապահ կոնտինգենտ տեղակայելու հարցը
Lenta.ru-ի փոխանցմամբ՝ Ուկրաինայի նախագահ Պյոտր Պորոշենկոն ու ՄԱԿ-ի գլխավոր քարտուղար Բան Կի Մունը քննարկել են Դոնբասում խաղաղապահ կոնտինգենտ տեղակայելու հարցը: Այս մասին հայտնել է Ուկրաինայի նախագահի մամլո ծառայությունը:
Վերջինիս հաղորդմամբ՝ Պորոշենկոն ու Բան Կի Մունը քննարկել են մինսկյան պայմանավորվածությունների իրագործման ընթացքն ու Դոնբասում խաղաղության վերականգնմանն ուղղված միջազգային ջանքերը: Նրանք պայմանավորվել են հետագա քայլերի իրագործման շուրջ, որոնք առնչվում են ԱՄԿ-ի հովանու ներքո Դոնբասում խաղաղապահ կոնտինգենտ տեղակայելու հնարավորությանը:
Պորոշենկոն անջատողականներին մեղադրել է Դոնբաս հումանիտար օգնություն հատկացնելու գործընթացը խոչընդոտելու մեջ: Բան Կի Մունը բարձր է գնահատել Ուկրաինայի նախագահի դերը խաղաղության գործընթացի իրագործման հարցում: Նա մտահոգություն է հայտնել Ուկրաինայի արևելքում հրադադարի ռեժիմի խախտումների կապակցությամբ:
