Իրանն ԱԷՄԳ-ի առջև հաշվետու է լինելու յուրաքանչյուր երեք ամիսը մեկ անգամ. Ամանո
Ամերիկյան CNN հեռուստաալիքին տված հարցազրույցի ժամանակ ԱԷՄԳի ղեկավար Յուկիա Ամանոն հայտարարել է, որ Իրանն իր միջուկային ծրագրի վրա տարվող աշխատանքների մասին ԱԷՄԳ-ի առջև հաշվետու է լինելու յուրաքանչյուր երեք ամիսը մեկ անգամ.
«Իրանը պարտավոր է (իր միջուկային ծրագրի մասին) հռչակագիրը թարմացնել երեք ամիսը մեկ անգամ: Եթե ԱԷՄԳ-ի աշխատակիցները հակասություններ հայտնաբերեն և նրանց մոտ ծագեն կասկածներ, ապա նրանք կարող են խնդրել մուտք գործել տվյալ օբյեկտ, և Իրանը սկզբունքորեն պետք է արտոնի դա:
Միջազգային տեսուչները կարող են ստուգել Իրանի տարածքում գտնվող ցանկացած միջուկային օբյեկտ` իշխանություններին այդ մասին զգուշացնելով այցից երկու ժամ առաջ: Ներկա դրությամբ ԱԷՄԳ-ի մասնագետներն Իրանի իշխանությնուններին ստուգման մասին պետք է զգուշացնեն 24 ժամ առաջ»:
