Օբաման պատժամիջոցներ է սահմանում ցանցահենների դեմ
Ամերիկյան CNN հեռուստաալիքի փոխանցմամբ` ԱՄՆ նախագահ Բարաք Օբաման կարգադրել է ֆինանսական պատժամիջոցներ սահմանել ցանցահենների դեմ, որոնք մասնակից են Սպիտակ տան անվտանգության համակարգը կոտրելուն:
Պատժամիջոցներն առնչվելու են ֆիզիկական կամ իրավաբանական անձանց, որոնք մասնակցում են չարամիտ կիբեր հարձակումներին, որոնք էլ իրենց հերթին լուրջ սպառնալիք են ստեղծում ԱՄՆ-ի ազգային անվտանգության, արտաքին քաղաքականության, տնտեսական ու ֆինանսական կայունության համար:
Ընդգծվում է, որ ցանցահենները տիրել են գաղտնի տեղեկատվության, ինչը մասնավորապես վերաբերվում է հրապարակման չենթակա ԱՄՆ նախագահի գրաֆիկի մանրամասներին: Այդպիսի տեղեկատվությունը բարձր է գնահատվում օտար հատուկ ծառայությունների կողմից:
