Պորոշենկոն պլանավորել է ՏԻՄ ընտրություններն անցկացնել հոկտեմբերի 25-ին
Ուկրաինական UNIAN լրատվական գործակալության փոխանցմամբ՝ Ուկրաինայի նախագահ Պյոտր Պորոշենկոն պլանավորում է երկրում տեղական ինքնակառավարման մարմինների (ՏԻՄ) ընտրություններ անցկացնել հոկտեմբերի 25-ին՝ չնայած երկրում առկա ռազմական հակամարտությանը:
Պորոշենկոն ընգծել է, որ ՏԻՄ ընտրությունների անցկացման ժամկետը ոչ մի կերպ չի ենթարկվի փոփոխությունների, և որ ՏԻՄ ընտրություններից հետո պլանավորված է ընդլայնել տեղի համայնքների լիազորությունները.
«Ապակենտրոնացումը նախատեսում է լիազորությունների առյուծի բաժինը փոխանցել տարածքային համայնքներին: Հուսով եմ, որ դա վերջապես տեղի կունենա ՏԻՄ ընտրություններից հետո»:
