Ալեքսեյ Վենեդիկտովը որոշել է ժամանակավորապես հեռանալ Մոսկվայից
Ուկրաինական UNIAN լրատվական գործակալության փոխանցմամբ՝ ռուսական Эхо Москвы ռադիոկայանի գլխավոր խմբագիր Ալեքսեյ Վենեդիկտովը որոշել է որոշակի ժամկետով հեռանալ Ռուսաստանի մայրաքաղաքից: Այս մասին Twitter-ի իր միկրոբլոգում գրել է ամերիկյան Time-ի լրագրող Սայմոն Շուստերը.
«Սոբչակը միակը չէ: Վենեդիկտովը նախորդ շաբաթ ինձ հետ զրույցում հաստատեց, որ ընդգրկված է «գնդակահարման ցուցակում» և նախընտրում է հեռանալ քաղաքից»:
Սրանից առաջ Коммерсант թերթը գրել էր, որ Սոբչակը որոշել է որոշակի ժամկետով լքել Ռուսաստանը, քանի որ ընդգրկված է Բորիս Նեմցովի սպանությունից հետո ի հայտ եկած «գնդակահարման ցուցակում»: Սակայն ավելի ուշ Սոբչակը հերքել է այդ տեղեկատվությունը:
