«Երևան Ջուր»-ը ցանկանում է մոտ 2 դրամով թանկացնել խմելու ջուրը
«Երևան Ջուր» ընկերությունը դիմել է Հանրային ծառայությունները կարգավորող հանձնաժողով՝ վերանայելու սակագները: Ընկերությունն առաջարկում է մոտ 2 դրամով թանկացնել խմելու ջուրը: Ըստ այդմ՝ մանրածախ սպառողներին խմելու ջրի մատակարարման, ջրահեռացման և կեղտաջրերի մաքրման ծառայությունների մատուցման գործող գումարային սակագինը կկազմի 172.6 դրամ/խմ (ներառյալ ԱԱՀ-ն): Սակագնի բարձրացում է սպասվում նաև մեծածախ սպառողների համար:
Սա հիմնականում պայմանավորված է անցած տարի եվրոյի փոխարժեքի փոփոխմամբ, որը 544 դրամից (2013թ.) դարձել է 552 դրամ (2014թ.):
Հիշեցնենք, որ անցած տարի ՀԾԿՀ-ն անփոփոխ էր թողել բնակիչներին մատակարարվող ջրի սակագինը, բայց բարձրացրել էր մեծածախ սպառողին վաճառվող ջրի սակագինը:
