Արցախբանկը համալրել է կանոնադրական կապիտալը
Արցախբանկի նոր բաժնետեր «Հայաստանի բիզնեսի հիմնադրամ» ՓԲԸ-ն համալրել է բանկի կանոնադրական կապիտալը 4.5 մլրդ դրամով` հասցնելով այն 11 061 150 000 դրամի:
Ինչպես նշվում է բանկի տարածած հաղորդագրության մեջ, ավելացված կապիտալը հիմնականում կուղղվի Արցախբանկի հեռանկարային զարգացման ծրագրի իրականացմանը: Այն ենթադրում է հաճախորդների սպասարկման մակարդակի բարելավում, ունիվերսալ, մասնավորապես պլաստիկ քարտերով բանկային ծառայությունների խթանում եւ միկրոֆինանսավորման ծրագրերի միջոցով առավել դիվերսիֆիկացված վարկավորում:
