Պուտինը ճիշտ չի մեկնաբանում ԱՄՆ-ի գործողությունները. Ջոն Քերի
Ուկրաինական UNIAN լրատվական գործակալության փոխանցմամբ՝ ԱՄՆ պետքարտուղար Ջոն Քերին կարծում է, որ Ռուսաստանի նախագահ Վլադիմիր Պուտինը ճիշտ չի ընկալում Ուկրաինայի և «գունավոր հեղափոխությունների» հանդեպ ԱՄՆ-ի դիրքորոշումը:
Քերին այդ մասին հայտարարել է Ռուսաստանի արտգործնախարար Սերգեյ Լավրովի հետ հանդիպումից հետո կազմակերպված մամուլի ասուլիսի ժամանակ. «Կարծում եմ, որ Պուտինը ճիշտ չի շարադրում այն ամենի մեծ մասը, ինչն անում է կամ փորձում է անել ԱՄՆ-ը:
Մենք ներգրավված չենք «բազմաթիվ գունավոր հեղափոխություններից» որևէ մեկում, ինչպես որ ասում է նա: Ուկրաինայի դեպքում նույնպես ճիշտ չեն նման ենթադրությունները: ԱՄՆ-ն աջակցում է միջազգային օրենսդրությանը՝ հարգելով յուրաքանչյուր ժողովրդի ինքնիշխանությունն ու ամբողջականությունը»:
