Ջեսիկա Ալբան ազատվել է 24 ֆունտից՝ «3-2-1» դիետայի միջոցով
Հղիությունը կնոջ կյանքում ամենակարևոր իրադարձություններից մեկն է: Կրծքով կերակրելու ժամանակ յուրաքանչյուրը երազում է սլացիկ մարմին ունենալու մասին: Ջեսիկա Ալբան կիսվել է ավելորդ քաշից ազատվելու իր գաղտնիքով:
Հոլիվուդյան դերասանուհին հղիությունից հետո ավելորդ քաշ էր հավաքել: Երեխային ունենալուց 6 շաբաթ անց «3-2-1» դիետայի օգնությամբ նա կարողացավ ազատվել 24 ֆունտից: Սա առողջ սնվելու ծրագիր է, որն առաջարկել է Ռամոնա Բրագանզան:
«3-2-1» դիետան իրենից ներկայացնում է 3 հիմնական ուտեստ և 2 նախուտեստ: Ջրի քանակը նույնպես կարևոր է: Օրական պետք է ավելի քան 1 լիտր ջուր խմել:
Առաջին փուլ- Դիետայի նախնական փուլում պետք է ամբողջովին հրաժարվել քաղցրեղենից, ալրային ուտելիքներից, մրգերից, մեծ քանակությամբ աղ պարունակող սննդից՝ կարտոֆիլ, բրինձ և պահածոյացված ուտելիքից, ինչպես նաև՝ գազարից, դդումից և ալկոհոլից: Ավելին, օրական ընդունած սնունդը չպետք է գերազանցի 2000 կկալ-ը:
Երկրորդ փուլ-Այս փուլում ամբողջովին փոխվում է ձեր առողջ սննդակարգի ծրագիրը՝ ավելացնելով քիչ կալորիականությամբ բանջարեղեն, ձուկ և շիլաներ: Ընդհանուր կալորիաների քանակը չպետք է գերազանցի 1770-ը: Աստիճանաբար ավելացնելով մրգերն ու բանջարեղենը, հարստացրեք դիետայի ծրագիրը՝ կալորիաների քանակը հասցնելով 1800-ի:
Երրորդ փուլ- Այս փուլում հիմնական ուշադրությունը սևեռվում է քաշի պահպանության վրա:
Դիետայի սկզբունքները
Դիետոլոգները խորհուրդ են տալիս «3-2-1» դիետան սկսել աստիճանաբար: Փոխարինելով տապակած միսը խաշած մսով՝ համակցված շիլաներով: Քացախը և թարմ կիտրոնի հյութը հրաշալի հավելում է բանջարեղենային աղցանի համար: Դիետոլոգները բացառում են կարագն ու յուղոտ սոուսներն առողջ սննդակարգից: Տարբեր՝ ոչ քաղցր մրգերն ու հատապտուղները, կարող են տարբերություն մտցնել օրակարգում: Իսկ օրական 4 բաժակ մաքուր ջուրը կմաքրի ձեր օրգանիզմը թույներից:
«3-2-1» դիետան տևում է 12 շաբաթ: 12 շաբաթ հետևելով այս դիետային՝ կկորցնեք 33 ֆունտ քաշ և կվերականգնեք մարմնի տեսքը: Ուտելով 3 հիմնական և 2 նախուտեստ՝ ջրով, կանաչ թեյով, թարմ հյութով կամ բանջարեղենով՝ կմոռանաք քաղցի մասին:
«3-2-1» դիետայի ֆիթնես ծրագիր
Դիետայի առաջին փուլում ներառված է ֆիթնես ծրագիր: Պետք է օրական 25 րոպե ֆիզիկական վարժություններ կատարել՝ յուրաքանչյուր մկանային խմբին հատկացնելով 5 րոպե: Դիետայի երկրորդ փուլը ներառում է ֆիթնես ծրագրի ժամի ավելացում՝ 25 րոպեից՝ 40-ի: Վարժությունների ժամերը պետք է հավասարապես բաշխվեն մարմնի բոլոր մասերի վրա: Անցկացրեք 10 րոպե կարդիովարժությունների վրա, հաջորդ 20 րոպեն՝ ուժային աշխատանքի, և վերջին 10 րոպեն՝ ողնաշարի մկաններն ամրացնելու:
Դիետայի 3-րդ փուլը ներառում է ուժային վարժությունների մինչև 60 րոպե ժամանակի ավելացում: 30 րոպե պետք է անցկացնել կարդիովարժությունների վրա, 20 րոպե՝ ուժային վարժությունների, և 10 րոպե՝ մկանները զարգացնելու:
Նյութը հրապարակման պատրաստեց Լիլիթ Հարությունյանը
