Որոշվել է Չեչնիայի տարածքը բաժանել հակաահաբեկչական երեք հատվածի. Կադիրով
Ռուսական РИА Новости լրատվական գործակալության փոխանցմամբ՝ Չեչնիայի ղեկավար Ռամզան Կադիրովը հայտնել է, որ որոշվել է Չեչնիան բաժանել երեք մասի, որոնցից յուրաքանչյուրում հանցավոր խմբերի որոնման ու չեզոքացման համար պատասխանատվություն կկրի կոնկրետ ուժային-ղեկավարը, որին կաջակցեն համապատասխան շրջանի բոլոր պաշտոնյաները:
Կադիրովն այս մասին հայտարարել է երեկ՝ շրջանի ուժային կառույցների ղեկավարների հետ հանդիպման ժամանակ. «Կարևոր է հատկապես երիտասարդության շրջանում բացատրական աշխատանքներ տանելը: Մենք չպետք է թույլ տանք, որ մեր երեխաներին խաբեն ու իրենց նպատակների համար օգտագործեն ահաբեկիչներն ու ծայրահեղականները»:
Հունվարի սկզբին Կադիրովը հայտարարել էր, որ Չեչնիայի իշխանությունները որոշել են կիրառել նոր մարտավարություն՝ հանցավոր խմբերի մնացորդները չեզոքացնելու համար:
