Քաշը կորցնելու 25 ոչ տանջալից եղանակներ
Որոշակի մթերքների գործածում, սննդակարգում որոշ փոփոխություններ, այս կամ այն մթերքների համադրության բացառում. ահա թե ինչն է մեզ թույլ տալիս նիհարել առանց առողջությունը վտանգելու։
Բացի դրանից այս տարբերակով նիհարելու դեպքում կրկին քաշ հավաքելու վտանգ չկա։
Եվ այսպես՝
1. Լավ ծամիր կերակուրը։ Դա ստամոքսիդ կօգնի հեշտորեն մարսել այն և շուտ կշտացնել քեզ։
Ապացուցված է, որ քաղցի զգացում մարդը ունենում է ուտել սկսելուց 15-20 րոպե հետո։
2. Սնունդ ընդունելու ընդմիջումներին ջուր խմիր, որպեսզի օգնես օրգանիզմիդ հանել թույները։
Իսկ եթե ուտելուց առաջ 1 բաժակ ջուր խմես, ապա դա ևս կօգնի արագ հագենալ։
3. Բջջանյութով հարուստ սնունդ կեր՝ մրգեր, բանջարեղեն, ընկուզեղեն, շագանակագույն բրինձ և այլն:
Այն օրգանիզմին օգնում է ազատվել այն ամենից, ինչը իրեն այլևս պետք չէ։
4. Հրաժարվիր սպիտակ շաքարից և այն ամենից, ինչը մեծ քանակությամբ շաքար է պարունակում. բացառիր քաղցր խմորեղենն ու գազավորված ըմպելիքները։
5.Խմիր կանաչ կամ կարմիր թեյ։
Նրանք օգնում են այրել ճարպերը և կանխում են ստամոքսում հեղուկի կուտակվելը։
6.Կերակուրի մեջ քիչ աղ ավելացրու։ Աղը փոխարինիր համեմունքներով, սոխով, սխտորով, կիտրոնով և քացախով։
7. Լիարժեք նախաճաշը կապահովի քո ողջ օրվա էներգիան և կօգնի չգայթակղվել կողմնակի սնունդով։
8. Նախաճաշիդ ցանկին ավելացրու մրգեր, թոստեր, կոկտեյլներ, ընկուզեղեն։
9. Ընթրիքը պետք է թեթև լինի։
Այն, ինչ ուտում ես երեկոյան 8-ից հետո, արդեն չի այրվում։ Բացի դրանից ուշ ժամի ծանր ընթրիքը վնասում է լյարդը, կարող է հանգեցնել անքնության և խցանումների։
10. Կեսօրին մրգեր կեր։ Դրանք հարուստ են ջրով և բջջանյութով, պարունակում են քիչ կալորիաներ, բայց միևնույն ժամանակ հիանալի հագեցնում են։
11. Մրգերը և ընկուզեղենը կեր փոքր չափաբաժիններով խցանումներից խուսափելու համար։ Թեպետ ընկուզեղենը կալորիաներով հարուստ սնունդ է, կարող ես օրական ուտել 1 բուռ։
12. Պարբերաբար կեր բանջարեղենային խյուսեր։
Դրանք շատ արագ հագեցնում են և օգտակար են առողջության համար։
Կարող ես բանջարեղենային խյուսերի մեջ ջրիմուռներ ավելացնել։ Դրանք օրգանիզմին հանքանյութեր կմատակարարեն։
13. Մի ոգևորվիր քիչ կալորիաներ պարունակող, սպիտակուցներով հարուստ դիետաներով։ Դրանք կարող են վնասել առողջությանը։
Բացի այդ, այս եղանակով կորցրած քաշը արագ վերադառնում է։
Առողջ դիետան մրգերի, բանջարեղենի, հատիկավոր բույսերի, կենդանական սպիտակուցների և այլ մթերքների ու տարրերի միջև հավասարակշռության պահպանումն է։
14. Առավոտյան անանաս և փափայա կեր։ Դրանք հեղուկը դուրս բերող և մաքրող հատկություն ունեն։
15. Մի կեր տապակած սնունդ և կիսաֆաբրիկատներ։
Դրանք շատ ճարպեր են պարունակում։ Եթե ընտրության հնարավորություն չունես, կեր դրանցից փոքր չափաբաժիններով՝ հնարավորինս համադրելով կամ աղցանների, կամ բանջարեղենի, կամ էլ մարսողության համար օգտակար թուրմերի հետ։
16. Ոչ մի մթերք մի չարաշահիր, հատկապես նրանք, որոնք այդքան էլ օգտակար չեն առողջության համար։
Խուսափիր կոնկրետ մի մթերատեսակներից կազմված դիետաներից, քանի որ յուրաքանչյուր մթերք ունի իր առավելություններն ու թերությունները, և պետք է խելամտորեն համադրել բոլոր մթերքները:
17. Աշխատիր պատրաստել ինքդ և խուսափիր դրսում սնվելուց, քանի որ դրսի սնունդն ավելի կալորիական է։
18. Ուտելու ընթացքում հեռուստացույց մի դիտիր, շատ մի խոսիր և մի անհանգստացիր ոչ մի բանի համար, որովհետև այդ դեպքերում դու կսկսես քեզ պետք եղածից շատ ուտել, և հնարավոր է՝ հետո մարսողության հետ կապված խնդիրներ ունենաս։
19. Երբեք կուշտ մի կեր։ Դու պետք է միշտ քաղցի թեթև զգացում ունենաս։
20. Աղանդեր մի կեր ճաշից անմիջապես հետո։
Ավելի լավ է քաղցրեղենն ուտել հազվադեպ և սնունդ ընդունելու ընդմիջումներին։ Այդ դեպքում դրանք ավելի լավ են մարսվում։
21. Որպես աղանդեր՝ մրգեր մի կեր, քանի որ դրանք դժվարացնում են մարսողության գործընթացը։
Ավելի լավ է դրանք ուտել առավոտյան կամ կեսօրին։ Իսկ տանձ կամ խնձոր կարելի է միշտ ուտել, քանի որ դրանք համարվում են մարսողության համար չեզոք մրգեր:
22. 2 շաբաթվա ընթացքում ժենշեն ընդունիր, որպեսզի մարսողության պրոցեսն ակտիվացվի, և ավելի շատ կալորիաներ այրվեն։
23. Մի չարաշահիր կաթնամթերքն ու ալյուր պարունակող մթերքները։
Դրանք նպաստում են օրգանիզմում ճարպերի կուտակվելուն։
24. Սպորտով զբաղվիր շաբաթական առնվազն 3 անգամ։
Սովորություն դարձրու աստիճաններով ոտքով բարձրանալ։ Սա օրական ֆիզիկական ծանրաբեռնվածությունն ավելացնելու տարրական եղանակ է։
25. Կերակուրին մեծ նշանակություն մի տուր. ուղղակի վայելիր այն։
Նյութը հրապարակման պատրաստեց ԳՈՀԱՐ ՍԱՎԶՅԱՆԸ
