Ադրբեջանում անցկացվում են ՏԻՄ ընտրություններ
![](https://168.am/wp-content/uploads/2014/12/7813e5a4b9eedbf73dea08036df1a424.jpg)
Ադրբեջանական APA լրատվական գործակալության փոխանցմամբ՝ Ադրբեջանում այսօր անցկացվում են ՏԻՄ ընտրություններ: Ընտրատեղամասերը քվեարկության համար բացվել են այսօր առավոտյան ժամը 08.00-ին: Քվեարկությունն ավարտվելու է ժամը 19.00-ին:
Ադրբեջանի ԿԸՀ-ն իր կայքում օրվա ընթացքում 5 անգամ տեղեկատվություն է տրամադրելու քվեարկության գործընթացին ընտրողների մասնակցության մասին: ՏԻՄ ընտրություններին մասնակցելու համար գրանցվել է 37.079 թեկնածու, որոնցից ընտրվելու է 15.035 անդամ:
Նրանցից 18.790-ը ներկայացնում են քաղաքական կուսակցություններ, իսկ 18.289-ն անկուսակցականներ են: Պաշտոնապես իր թեկնածուներին առաջադրել է քաղաքական 8 կուսակցություն: