Օլանդը հրաժարվել է Ռուսաստանին մատակարարել «Միստրալ» տիպի ռազմանավերը
Ռուսական ТАСС լրատվական գործակալության փոխանցմամբ` Ֆրանսիայի նախագահ Ֆրանսուա Օլանդը Բրյուսելում ԵՄ-ի գագաթաժողովի ավարտից հետո հայտարարել է, որ ներկա դրությամբ երկիրը հիմքեր չունի` Ռուսաստանին «Միստրալ» տիպի ուղղաթիռակիրները մատակարարելու համար.
«Այդ մասին ես հայտարարել եմ մի քանի անգամ. Ֆրանսիայի տեսանկյունից ներկա պահին չկա բավարար առաջընթաց, որպեսզի հնարավոր լինի մատակարարումը: «Միստրալների» վերաբերյալ պայմանագրի կատարումը կախված է Ռուսաստանի կողմից մինսկյան պայմանավորվածությունների պահպանումից, հակառակ դեպքում կարվեն համապատասխան եզրակացություններ»:
Օլանդը հավելել է, որ ԵՄ-ի անդամ երկրների առաջնորդները որոշել են հավելյալ սահմանափակիչ միջոցներ չկիրառել Ռուսաստանի դեմ:
