ՇՀԿ-ի կառավարությունների ղեկավարների խորհրդի հաջորդ նիստը տեղի կունենա Չինաստանում
Ռուսական РИА Новости լրատվական գործակալության փոխանցմամբ՝ ՇՀԿ-ի անդամ երկրների կառավարությունների ղեկավարների խորհրդի հաջորդ նիստը տեղի է ունենալու 2015 թվականին, Չինաստանում: Այս մասին լրագրողների հետ զրույցում հայտարարել է Ղազախստանի վարչապետ Քարիմ Մասիմովը:
Մասիմովն Աստանայում անցկացված ՇՀԿ-ի անդամ երկրների կառավարությունների ղեկավարների խորհրդի նիստում առաջարկել է ՇՀԿ-ի շրջանակներում հաշիվները վարել ազգային արժույթներով: Նա ընդգծել է, որ դա համարում է իրատեսական՝ հավելելով, որ այսօր կարևոր է արդյունավետորեն օգտագործել առկա ռեսուրսները՝ առավելագույն կերպով նվազեցնելու համար գլոբալ ֆինանսա-տնտեսական ցնցումների հետևանքները:
