ԱԺ 5 խմբակցությունները կդիմեն Սահմանադրական դատարան
Ինչպես մեզ հայտնեց ԱԺ պատգամավոր, ԲՀԿ մամուլի քարտուղար Տիգրան Ուրիխանյանը, խորհրդարանական 5 խմբակցություններ ԲՀԿ-ն ՀԱԿ-ը Ժառանգությունը ՕԵԿ-ը և ՀՅԴ-ն հավաքել են 30-ից ավելի ստորագրություններ՝ Սահմանադրական դատարան դիմելու և հարկադիր կատարման ծառայության մասին օրենքի որոշ դրույթներ հակասահմանադրական ճանաչելու նպատակով։ ՍԴ դիմելու համար անհրաժեշտ է 27 պատգամավորների ստորագրություն։
Խորհրդարանական խմբակցությունները հակասահմանադրական են համարում օրենքի այն դրույթը, որով ԴԱՀԿ ծառայությունը կարող է առանց դատարանի որոշման կալանք դնել քաղաքացու սեփականության վրա։
Հիշեցնենք, որ երկու շաբաթ առաջ ԱԺ ՀՀԿ մեծամասնությունը մերժեց ՕԵԿ-ի կողմից նշված օրենքում վիճարկելի կետերը փոփոխելու նախաձեռնությունը։
