Հայտնի է հանրապետության գլխավոր տոնածառի բացման օրը
Ստեփանակերտում ակտիվորեն ընթանում են քաղաքի փողոցների ամանորյա ձևավորման ու զարդարման աշխատանքները:
Մի շարք փողոցներում տեղադրվել են տոնական վահանակներ, ինչպես նաև՝ լուսային էֆֆեկտներ, իսկ քաղաքի կենտրոնական՝ Վերածննդի հրապարակում մեկնարկել են նաև հանրապետության գլխավոր տոնածառի զարդարման աշխատանքները:
«Արցախպրես»-ի թղթակցի հետ զրույցում Ստեփանակերտի քաղաքապետի տեղակալ Արմեն Հակոբյանի փոխանցմամբ՝ մայրաքաղաքի լուսային ձևավորման աշխատանքներին ու լուսային էֆեկտների տրամադրման հարցում այս տարի աջակցում է նաև Երևանի քաղաքապետարանը։
Ըստ քաղաքապետի տեղակալի տեղեկատվության՝ հանրապետության գլխավոր տոնածառի բացման արարողությունը նախատեսվում է դեկտեմբերի 16-ին, իսկ տոնական հիմնական միջոցառումները տեղի կունենան դեկտեմբերի 31-ին:
«Այդ օրը՝ առավոտից, զարդարված մեքենայով, Ստեփանակերտի փողոցներով ու թաղամասերով շրջայց կկատարեն Ձմեռ պապն ու Ձյունանուշը, ովքեր կշնորհավորեն փոքրիկներին՝ տրամադրելով նվերներ»,- ասաց Ա. Հակոբյանը և հավելելով, որ երեկոյան Վերածննդի հրապարակում տեղի է ունենալու տոնական համերգ, որը եզրափակվելու է տոնական հրավառութ
