Իրանը վճռականորեն դատապարտում է Սիրիայում իսրայելական ավիահարվածները. ԱԳՆ
Իրանական IRNA լրատվական գործակալության փոխանցմամբ՝ Իրանը վճռականորեն դատապարտում է Սիրիայում իսրայելական ոչ վաղ անցյալի ավիահարվածները: Այս մասին հայտարարել է Իրանի ԱԳՆ-ի մամլո քարտուղար Մարզիե Աֆհամը:
Նա ՄԱԿ-ին կոչ է արել կանգնեցնել այդօրինակ խախտումները. «Սիոնիստական վարչակարգը ձգտում է օգտագործել Սիրիայում տիրող ճգնաժամային իրավիճակը»:
Իսրայելական ավիացիան Դամասկոսի միջազգային օդանավակայանի մոտ ռմբային հարվածներ է հասցրել երեկ: Դրա հետ կապված՝ Սիրիան միջազգային հանրությանը կոչ է արել պատժամիջոցներ սահմանել Իսրայելի դեմ:
