ԵՏՄ-ում ինտեգրվելը կօգնի նվազեցնել արտարժույթից առկա կախվածությունը. Մուրիչև
Ռուսական РИА Новости լրատվական գործակալության փոխանցմամբ՝ 2015 թվականի հունվարի 1-ից Մաքսային միությանը փոխարինելու եկող Եվրասիական տնտեսական միության (ԵՏՄ) շրջանակներում ինտեգրումը մասնակից երկրներին կօգնի փոխադարձ առևտրի ժամանակ նվազեցնել դոլարից ու եվրոյից առկա կախվածությունը:
Այս մասին հայտարարել է Ռուսական արդյունաբերողների ու ձեռնարկատերերի փոխնախագահ Ալեքսանդր Մուրիչևը. «ԵՏՄ-ի շրջանակներում տնտեսական ինտեգրումը հնարավորություն կտա առևտրի ժամանակ փոխադարձ վճարումներ կատարելիս ձերբազատվել դոլար ու եվրո օգտագործելուց»:
Միջպետական բանկի նախագահ Իգոր Սուվորովը հայտարարել է, որ ներկայումս ԱՊՀ երկրների անդրազգային վճարումների 55 տոկոսն իրականացվում է ռուբլով, 30 տոկոսը՝ դոլարով, 9 տոկոսը՝ եվրոյով, իսկ մնացյալ մասը՝ ԱՊՀ երկրների ազգային արժույթներով:
Հիշեցնենք, որ օրեր առաջ էլ Մուրիչևը հայտարարել էր, որ Եվրասիական տնտեսական միությունը մտադիր է դոլարից ու եվրոյից հրաժարվել մինչև 2025-2030 թվականները:
