Ադրբեջանի ՊՆ-ը պատժել է հայկական ուղղաթիռի խոցման պահը նկարահանած զինվորին
Ադրբեջանի ԶՈՒ ծառայողի նկատմամբ, որը նկարահանել է հայկական ուղղաթիռի խոցման պահը, խիստ միջոցներ են կիրառվել։ Haqqin.az-ի փոխանցմամբ՝ այս մասին հայտարարել է Ադրբեջանի ՊՆ լրատվական ծառայության պետ Վագիֆ Դյարգյախլին՝ պատասխանելով պատգամավոր Ագիլ Աբբասի այն դիտարկմանը, որ կադրերը նկարահանվել և ինտերնետում տարածվել են ոչ թե լրագրողի, այլ զինծառայողի կողմից։
Դյարգյախլին ասել է, որ նկարահանողի ինքնությունը պարզելու համար պահանջվել է ընդամենը 1 օր։ «Պարզապես կա տեղեկատվություն, որը ՊՆ-ը չի կարող հրապարակել, և խնդրում ենք, որ այդ հանգամանքին ըմբռնումով մոտենաք», – ասել է Դյարգյախլին։
