Դոլարը վերջապես նահանջեց
Հայկական դրամի արժեզրկման պրոցեսը կարծես վերջապես կանգ առավ։ Ավելին, երեկվա համեմատ հայկական դրամը փոքր-ինչ ամրապնդվել է։ Այսօր՝ նոյեմբերի 26-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում դոլարի միջին փոխարժեքը կազմել է 434 դրամ։ Դոլարը երեկվա համեմատ էժանացել է 0.24%-ով կամ 1.09 դրամով։ Բորսայում վաճառվել է ընդհանուր առմամբ 2.3 միլիոն դոլար։ Կանխիկ արտարժույթի շուկայում դոլարը գնվում է միջինը 431.5 դրամով, վաճառում 435.5 դրամով։
