ԵՄ-ի՝ էներգետիկ հարցերով նոր հանձնակատարը կայցելի Ադրբեջան
Ադրբեջանական Trend լրատվական գործակալության փոխանցմամբ՝ Ադրբեջան է այցելելու Եվրահանձնաժողովի՝ էներգետիկ հարցերով նոր հանձնակատար Մարոշ Շեֆչովիչը: Այս մասին նշված է Ադրբեջանում ԵՄ-ի ներկայացուցչության տարածած հաղորդագրությունում:
Դրանում նշված է, որ նոյեմբերի 26-28-ին Ղազախստան այցելելուց հետո Շեֆչովիչը ժամանելու է Բաքու՝ կապված «Հարավային գազային միջանցքի» հետ: Եվրահանձնակատարը Բաքվում մի շարք հանդիպումներ կունենա Ադրբեջանի ղեկավարության ու կառավարության անդամների հետ:
