Թուրքիան մշտապես ձեռք է մեկնել` Հայաստանի հետ հարաբերությունները վերականգնելու համար. Էրդողան
Թուրքական Anadolu լրատվական գործակալության փոխանցմամբ` Թուրքիայի նախագահ Ռեջեփ Էրդողանը Փարիզում Ֆրանսիայի նախագահ Ֆրանսուա Օլանդի հետ համատեղ մամուլի ասուլիսի ժամանակ անդրադարձել է Հայոց ցեղասպանության խնդրին.
«Թուրքիան մշտապես ձեռք է մեկնել` Հայաստանի հետ հարաբերությունները վերականգնելու համար, սակայն, դժբախտաբար, Հայաստանը երբեք չի պատասխանել փոխադարձությամբ:
Թուրքիան 2015 թվականին` Հայոց ցեղասպանության 100-րդ տարելիցին, շարունակում է գործադրել բոլոր ջանքերը, որպեսզի աշխարհն իմանա այդ իրադարձությունների իրական ճշմարտությունը: Անկարան հուսով է, որ Ֆրանսիան տվյալ հարցում կլինի արդարության կողքին»:
