«Բոկո Հարամը» առևանգած 219 աշակերտուհիներին կնության է հանձնել
Al Jazeera հեռուստաալիքի փոխանցմամբ` իսլամական «Բոկո Հարամ» խմբավորման առաջնորդ Աբուբակար Շեկաուն իր տեսաուղերձում հայտարարել է, որ այս տարվա ապրիլին առևանգած 219 աշակերտուհիներն իսլամ են ընդունել և հանձնվել են կնության:
Շեկաուն ընդգծել է, որ նրանք այժմ ապրում են իրենց ամուսինների տանը: Բացի այդ, նա հերքել է այն տեղեկատվությունը, թե հոկտեմբերի 17-ին հրադադար է ձեռք բերվել Նիգերիայի իշխանությունների հետ: Շեկաուի խոսքերով` այդ մասին հայտարարությունները կեղծիք են, և որ իրենք հրաժարվում են հրադադարի մասին հետագա բանակցություններից:
