Թուրքիան պատրաստ է բեռնափոխադրումների համար օգտագործել «Վրաստան-Ադրբեջան» երթուղին
Ադրբեջանական Trend լրատվական գործակալության փոխանցմամբ՝ Թուրքիան դիտարկում է «Վրաստան-Ադրբեջան» երթուղու օգտագործումը՝ դեպի Թուրքմենստան բեռնափոխադրումներ իրականացնելու համար: Այս մասին հայտարարել է Թուրքիայի Միջազգային բեռնափոխադրումների ասոցիացիայի գործադիր խորհրդի անդամ Էլիֆ Սևիմը:
Նրա խոսքերով՝ չի բացառվում, որ եթե Իրանը շարունակի թուրք ավտոփոխադրողներից պահանջել տարանցման վճար, ապա Թուրքիան կօգտագործի «Վրաստան-Ադրբեջան» երթուղին, ինչն իրենք մշտապես դիտարկել են որպես Իրանին այլընտրանքային երթուղի:
Սևիմը հայտարարել է, որ Թուրքիայի տրանսպորտի, նավարկության ու կապի նախարար Լյութֆի Էլվանն Ադրբեջան կատարած այցի ժամանակ այդ հարցը քննարկել է ադրբեջանական կողմի հետ:
