Ուորլիքը հուսով է, որ Հայաստանի ու Ադրբեջանի նախագահների այսօրվա հանդիպումը կունենա դրական արդյունք
ԵԱՀԿ Մինսկի խմբի ամերիկացի համանախագահ Ջեյմս Ոուորլիքը հույս է հայտնել, որ այսօր Փարիզում կայանալիք Հայաստանի ու Ադրբեջանի նախագահների հանդիպումը դրականորեն կանդրադառնա կողմերի դիրքորոշման վրա՝ խաղաղ ճանապարհով լուծելու համար Ղարաբաղյան հակամարտությունը:
Ուորլիքն այս մասին գրել է Twitter-ի իր միկրոբլոգում: Ուորլիքը նաև ընդգծել է, որ գտնվում է Փարիզում՝ մասնակցելու համար բանակցություններին. «Ես արդեն Փարիզում եմ: Նախագահ Օլանդը հանդիպումներ կունենա նախագահ Սարգսյանի ու նախագահ Ալիևի հետ: Հուսով եմ, որ դրանք մեզ կմոտեցնեն խաղաղությանը»:
