Սիրիան ՄԱԿ ԱԽ-ից պահանջում է վերջ դնել Թուրքիայի ապօրինի գործողություններին
Սիրիական SANA պետական լրատվական գործակալության փոխանցմամբ՝ Սիրիայի իշխանությունները հայտարարել են, որ թուրք-սիրիական սահմանին բուֆերային գոտի ստեղծելու Թուրքիայի փորձերը հանդիսանում են ՄԱԿ-ի կանոնադրության սկզբունքների կոպիտ խախտում:
Սիրիայի ԱԳՆ-ը հայտարարել է, որ իրենք ՄԱԿ ԱԽ-ից ու միջազգային հանրությունից պահանջում են վերջ դնել Անկարայի խախտումներին, որոնք տարածաշրջանային ու միջազգային մակարդակներում սպառնալիք են ներկայացնում խաղաղության ու անվտանգության համար.
«Սիրիան մերժում է իր տարածքում ցանկացած օտար ռազմական միջամտություն և ձեռնարկելու է ամեն անհրաժեշտ բան՝ իր պետական ինքնիշխանությունն ու տարածքային ամբողջականությունը պաշտպանելու համար»:
Սրանից առաջ Թուրքիայի խորհրդարանը երկրի զինված ուժերին արտոնել է անդրսահմանային ռազմական գործողություններ իրականացնել Սիրիայի ու Իրաքի տարածքներում:
