Աֆղանստանի նախագահն ամերիկյան զորքերի մնալու մասին համաձայնագիրը կստորագրի վաղը
Բրիտանական Reuters լրատվական գործակալության փոխանցմամբ՝ Աֆղանստանի նորընտիր նախագահ Աշարաֆ Գանի Ահմադզայը վաղն ԱՄՆ-ի հետ կստորագրի երկրում ՆԱՏՕ-ի զորքերի կարգավիճակի մասին համաձայնագիր: Այս մասին գործակալությանը հայտնել է Քաբուլում ամերիկյան դեսպանատանը նրա աղբյուրը:
Համաձայնագիրն ԱՄՆ-ին հնարավորություն կտա 2015 թվականից հետո նույնպես զորքեր պահել Աֆղանստանի տարածքում, սակայն այս դեպքում խոսքը գնում է ոչ մեծաթիվ զինվորական կոնտինգենտ (մինչև 10.000 զինծառայող) պահելու մասին: Համաձայնագիրը ստորագրվելու է Քաբուլի նախագահական նստավայրում:
