Նազարբաևն Աստրախանում առաջարկել է դիտարկել Կասպյան ազատ առևտրի գոտու ստեղծման հարցը
Ռուսական Regnum լրատվական գործակալության փոխանցմամբ՝ Ղազախստանի նախագահ Նուրսուլթան Նազարբաևը, ով Աստրախանում մասնակցում է Մերձկասպյան երկրների ղեկավարների գագաթաժողովին, առաջարկել է դիտարկել Կասպյան ազատ առևտրի գոտու ստեղծման հարցը.
«Հաշվի առնելով համաշխարհային շուկայի վիճակը՝ կարելի է դիտարկել մեր երկրների տնտեսությունների մերձեցման հնարավորությունը, փոխադարձ առևտրի ներգրավումը: Նախքան Կասպիցի իրավական կարգավիճակի կարգավորումը կարելի է դնել տնտեսական փոգործակցության հիմքերը:
Առաջարկում եմ դիտարկել Կասպյան ազատ առևտրի գոտու ստեղծման հարցը: Այդ հարցը կարող է դառնալ մեր կառավարությունների մակարդակով առարկայական առաջին քննարկումներից մեկը»:
