Օբաման վիրավորել է զինվորականներին (տեսանյութ)
Ամերիկյան The Washington Times թերթի փոխանցմամբ՝ ԱՄՆ նախագահ Բարաք Օբամային քննադատել են պահելաձևի կանոններին չտիրապետելու համար: Տեսանյութում երևում է, որ ԱՄՆ նախագահը ծովային հետևակայիններին զինվորական պատիվ է տալիս՝ աջ ձեռքով բռելով սուրճի բաժակ:
Միջադեպը տեղի է ունեցել Նյու Յորքում, ուր Օբաման ժամանել է ՄԱԿ ԳԱ-ի նստաշրջանին մասնակցելու համար: Այստեղ նրան դիմավորել են ծովային հետևակայինները, որոնց էլ Օբաման զինվորական պատվի է արժանացրել նման կերպ: Օբաման դրա համար արժանացել է մի շարք քննադատությունների ու ծաղրանքի:
Թերթն ընդգծում է, որ կանոնների համաձայն, զինվորական պատիվ են տալիս միայն այն դեպքում, եթե ազատ են երկու ձեռքն էլ, և եթե անհնար է արժանի ձևով դա անելը, ապա ավելի լավ է ընդհանրապես հրաժարվել զինվորական պատիվ տալուց:
