Սենատը հաստատել է Թուրքիայում ԱՄՆ դեսպանի պաշտոնում Ջոն Բասսի թեկնածությունը
Թուրքական Dünya Bülteni լրատվական կենտրոնի փոխանցմամբ՝ ԱՄՆ սենատի լիագումար նիստում հաստատվել է Անկարայում ԱՄՆ դեսպանի պաշտոնում Ջոն Բասսի թեկնածությունը, որն առաջ էր քաշել երկրի նախագահ Բարաք Օբաման:
Բասսի թեկնածության օգտին արտահայտվել է 98 սենատոր: Դրանով իսկ Ջոն Բասսը պաշտոնապես դարձավ Թուրքիայում ԱՄՆ դեսպան: Ընդգծվել է, որ ներկայումս Թուրքիան առանցքային օրեր է ապրում և որ նա ԱՄՆ-ի համար հանդիսանում է շատ կարևոր երկիր:
2009-2012 թվականներին Ջոն Բասը հանդիսացել է Թբիլիսիում ԱՄՆ դեսպան: Նա Թուրքիայում ԱՄՆ դեսպանի պաշտոնում փոխարինում է Ֆրենսիս Ռիկիարդոնեին:
