Ուկրաինան չի ունենա միջուկային զենք. Պուշկով
Ռուսական РИА Новости լրատվական գործակալության փոխանցմամբ՝ ՌԴ Պետդումայի՝ միջազգային հարցերով հանձնաժողովի ղեկավար Ալեքսեյ Պուշկովը կարծում է, որ Ուկրաինան չի ունենա միջուկային զենք: Պուշկովն այդ մասին գրել է Twitter-ի իր միկրոբլոգում:
Նա նշել է, որ ավելի լավ կլինի եթե Ուկրաինան մոռանա միջուկային զենքի մասին: Պուշկովը կարծում է, որ չնայած նրան, որ Արևմուտքը բազմաթիվ հարցերում խրախուսում է Ուկրաինային, սակայն դա տեղի չի ունենա այս հարցում և Ուկրաինային թույլ չեն տա հատելու այդ գիծը:
Սրանից առաջ Ուկրաինայի պաշտպանության նախարար Վալերի Գելետեյը հայտարարել էր, որ Ուկրաինան պատրաստվում է վերականգնել իր միջուկային կարգավիճակը:
