Իրաքի վարչապետը բացառել է օտար ցամաքային ուժերի մուտքը երկիր
Al Arabiya հեռուստաալիքի փոխանցմամբ՝ Իրաքի վարչապետ Հայդեր ալ-Աբադին բացառել է երկրի տարածքում «Իսլամական պետություն» խմբավորման ծայրահեղականների դեմ ցամաքային օտար գործողության հավանականությունը.
«Զինյալների դիրքերին ամերիկյան ավիահարվածները մեծապես օգնել են մեզ, սակայն անհրաժեշտություն չկա Իրաք ցամաքային օտար ուժեր մտցնելու համար, և մենք ամբողջովին հերքում ենք այդպիսի հնարավորությունը»:
Իրաքի վարչապետը միջազգային հանրությանը կոչ է արել «Իսլամական պետության» դեմ գործողությունները տարածել նաև Սիրիայի տարածքի վրա: Նա կարծում է, որ բռնությունները կշարունակվեն, եթե հարված չհասցվի Սիրիայում «Իսլամական պետության» դիրքերին:
