Վրաստանի նախագահը չի պատրաստվում ստեղծել ընդդիմադիր ուժ. Կուցնաշվիլի
Новости-Грузия լրատվական գործակալության փոխանցմամբ՝ Վրաստանի նախագահ Գեորգի Մարգվելաշվիլին չի պատրաստվում ստեղծել ընդդիմադիր ուժ: Այս մասին երեկ հայտարարել է խորհրդարանական մեծամասնության առաջնորդներից Զաքարիա Կուցնաշվիլին, ով դրանից առաջ երկու ժամանոց հանդիպում է ունեցել պետության ղեկավարի հետ:
Վրացական ԶԼՄ-ներում ակտիվորեն քննարկվում է Վրաստանի նախագահի ու վարչապետի փոխհարաբերությունների թեման, քանիցս հայատարարվել է, որ երբ խոսք է գնում երկրի համար առավել կարևոր հարցերի մասին, վարչապետը պարզապես անտեսում է երկրի նախագհին:
Մարգվելաշվիլու ու Գարիբաշվիլու դիմակայության մասին վերստին խոսեցին այն բանից հետո, ինչ առաջացավ ՄԱԿ ԳԱ-ի 69-րդ նստաշրջանին մասնակցելու հարցը: Կուցնաշվիլին հայտարարել է, որ նախագահ Մարգվելաշվիլին իրեն չի դիտարկում որպես քաղաքական իշխանության մրցակից և որ թե՛ ներկայումս, թե՛ ապագայում բացառում է քաղաքական որևէ ընդդիմադիր ուժ ձևավորելը:
