Բակո Սահակյանն այցելել է Մարտունու շրջանի Բերդաշեն ու Եմիշճան գյուղեր
Արցախի Հանրապետության Նախագահ Բակո Սահակյանը սեպտեմբերի 14-ին այցելել է Մարտունու շրջանի Բերդաշեն ու Եմիշճան գյուղեր եւ հանդիպում ունեցել համայնքների ներկայացուցիչների հետ:
Երկրի ղեկավարը գյուղական բնակավայրերի համաչափ զարգացումը կարեւոր է համարել սոցիալ-տնտեսական եւ ժողովրդագրական տեսանկյուններից՝ հավելելով, որ պետությունը հատուկ ուշադրություն է դարձնում այդ գործընթացին:
Նախագահ Սահակյանը նշել է, որ գյուղերում առկա հիմնախնդիրների լուծման ամենաարդյունավետ տարբերակներից է տեղում նախաձեռնողականության խթանումը եւ սեփական ռեսուրսների նպատակային օգտագործումը:
ԼՂՀ Նախագահի աշխատակազմ
