Սիրիայում գործող զինյալներն ազատ են արձակել ՄԱԿ-ի 45 խաղաղապահի
Al Jazeera հեռուստաալիքի փոխանցմամբ՝ «Ջաբհաթ ալ-Նուսրա» խմբավորման զինյալներն ազատել են իրենց կողմից գերեվարված ՄԱԿ-ի խաղաղապահներին: Իսլամականներն օգոստոսի 28-ին Գոլանի բարձունքներում առևանգել էին Ֆիջիից ժամանած 45 խաղաղապահի:
Այն ժամանակ զինյալներն իրենց այդ քայլը պատճառաբանել էին ՄԱԿ ԱԽ-ի ընդունած բանաձևով, որը նախատեսում է պատժամիջոցներ սահմանել «Ջաբհաթ ալ-Նուսրա» խմբավորման ղեկավարության դեմ:
Զինյալները պահանջել էին ահաբեկչական կազմակերպությունների ցուցակից հանել իրենց խմբավորումը, ինչպես նաև փոխհատուցում վճարել «Ջաբհաթ ալ-Նուսրայի» այն անդամների համար, որոնք, իբրև թե, սպանվել են ՄԱԿ-ի խաղաղապահների կողմից:
