Օբաման պատրաստ է Սիրիայում ավիահարվածներ հասցնել «Իսլամական պետության» դիրքերին
Ամերիկյան The Washington Post թերթի փոխանցմամբ՝ ԱՄՆ նախագահ Բարաք Օբաման կարող է մոտ ժամանակներս հրաման արձակել Սիրիայի տարածքում «Իսլամական պետություն» ահաբեկչական խմբավորման կենդանի ուժին ու ռազմական տեխնիկային ավիահարվածներ հասցնելու մասին:
Երեկ ԱՄՆ ժողովրդին հասցեագրած իր ուղերձում Օբաման հստակ հասկացնել է տվել, որ իրեն իրավունք է վերապահում ԱՄՆ զինված ուժերից ու հատուկ ծառայություններից պահանջել «Իսլամական պետության» դիրքերին հարվածել իրաք-սիրիական սահմանի երկու կողմից էլ:
Օբաման հնարավոր է համարում «Իսլամական պետության» դեմ գործելը՝ անկախ նրանից, թե նա որտեղ կծավալի իր գործունեությունը: Օբաման գտնում է, որ օժտված է անհրաժեշտ իրավական լիազորություններով՝ թե՛ Իրաքի, թե՛ Սիրիայի տարածքներում «Իսլամական պետության» դեմ գործելու համար:
