Արևմուտքն ուկրաինական ճգնաժամն օգտագործում է ՆԱՏՕ-ն վերակենդանացնելու համար. Պուտին
ZN.UA-ի փոխանցմամբ՝ Ռուսաստանի նախագահ Վլադիմիր Պուտինն Արևմուտքի երկրների վրա է դրել Ուկրաինայի ճգնաժամի առաջացման պատասխանատվությունը և հայտարարել է, որ ներկայիս իրավիճակն օգտագործվում է ՆԱՏՕ-ն վերակենդանացնելու համար.
«Ուկրաինայի ճգնաժամը, որը հրահրվել ու ստեղծվել է մեր արևմտյան մի շարք գործընկերների կողմից, ներկայումս օգտագործվում է այդ ռազմական բլոկի վերակենդանացման համար:
Անկասկած է, որ մենք պետք է հաշվի առնենք այդ ամենը մեր երկրի անվտանգության ապահովման մասին որոշումներ կայացնելիս: Մենք պետք է անենք ամեն բան, որպեսզի այդ անվտանգությունը լինի բացարձակապես հուսալիորեն ապահովված»:
