Ավստրալիայում Էբոլա տենդի ախտանիշներով հոսպիտալացրել են Աֆրիկայից վերադարձած տղամարդու
The Australian-ի փոխանցմամբ՝ Ավստրալիայում 25-ամյա տղամարդուն հոսպիտալացրել են Էբոլա տենդի ախտանիշներով: Բժիշկները նրան տեղափոխել են Գոլդ-Կոստ քաղաքի հիվանդանոց:
Տղամարդը բժիշկներին պատմել է, որ ոչ վաղ անցյալում վերադարձել է Կոնգոյի Դեմոկրատական Հանրապետությունից, ուր մոլեգնում է վտանգավոր վիրուսը: Արդեն հայրենիքում նա իրեն վատ է զգացել և դիմել է բժիշկների օգնությանը:
Առաջին հետազոտությունից հետո բժիշկները եզրակացրել են, որ հիվանդը, ամենայն հավանականությամբ, տառապում է Էբոլա տենդից: Նրան տեղափոխել են մեկուսարան, ուր նա կգտնվի այնքան ժամանակ մինչև որ բժիշկները կտան վերջնական ախտորոշում:
Առողջապահության համաշխարհային կազմակերպության տվյալներով՝ Էբոլա տենդից մահացել է 2097 մարդ, իսկ վարակակիրների թիվը կազմում է 3944 մարդ:
