Հռոմի պապը նոյեմբերի վերջին կայցելի Թուրքիա և Հայաստան. մամուլ
Թուրքական Anadolu լրատվական գործակալության փոխանցմամբ՝ ակնկալվում է, որ Հռոմի պապ Ֆրանցիսկոսը նոյեմբերի վերջին կայցելի Թուրքիա: Այս մասին գրում են իտալական ԶԼՄ-ները:
Այցը նվիրված է Հիսուսի 12-ի առաքյալներից, Հունական պատրիարքարանի հիմնադիր Անդրեասին և կոչված է ուշադրություն հրավիրել իսլամական աշխարհի հետ երկխոսությանը և Մերձավոր Արևելքում տիրող դրամատիկ վիճակին:
Հռոմի պապը մուսուլմանաբնակ Թուրքիայում հանդես է գալու քրիստոնյաների իրավունքների պաշտպանության օգտին, որոնք արմատական խմբավորումների կողմից բռնությունների են ենթակվում Իրաքում, Սիրիայում և այլ երկրներում:
Թուրքական այցի ավարտից հետո Հռոմի պապը կարող է մեկնել Հայաստան:
