Ռուսաստանում փախստականի կարգավիճակ է հատկացվել Ուկրաինայի 105.000 քաղաքացու
Ռուսական Интерфакс լրատվական գործակալության փոխանցմամբ՝ Ռուսաստանում փախստականի կարգավիճակ է հատկացվել Ուկրաինայի 105.000 քաղաքացու: Այս մասին Ռուսաստանի վարչապետ Դմիտրի Մեդվեդևի հետ խորհրդակցության ժամանակ հայտարարել է փոխվարչապետ Դմիտրի Կոզակը:
Նրա խոսքերով՝ օրական արտերկրից ստացվում է նմանատիպ մոտ 500 դիմում: Կոզակն ընդգծել է, որ Ուկրաինայի քաղաքացիների թվում շատերը ցանկանում են վերաբնակեցվել Հեռավոր Արևելքում:
Օգոստոսի 30-ին Ռուսաստանի Միգրացիոն դաշնային ծառայությունը հայտնել էր, որ ապրիլից Ռուսաստան է տեղափոխվել և շարունակում է նրա տարածքում մնալ Ուկրաինայի մոտ 820.000 քաղաքացի: Ավելի քան 130.000-ը խնդրել են իրենց հատկացնել ժամանակավոր ապաստան կամ փախստականի կարգավիճակ:
