Աղթամարի Սուրբ Խաչ եկեղեցում պատարագ է մատուցվել
Թուրքական Anadolu լրատվական գործակալության փոխանցմամբ՝ երեկ պատարագ է մատուցվել Աղթամար կղզու Սուրբ Խաչ եկեղեցում: Դա վերջին շրջանում եկեղեցում անցկացված հինգերորդ պատարագն է: Պատարագի կապակցությամբ Սուրբ Խաչ են ժամանել նաև մեծ թվով արվեստագետներ:
Իր ելույթում Պոլսո Հայոց պատրիարքի փոխանորդ Արամ արքեպիսկոպոս Աթեշյանը հիշեցրել է, որ հայերն այդ տարածքներում համերաշխ ապրել են թուրքերի, քրդերի և մյուսների հետ, միասին ուրախացել են հարսանիքների ու երեխաների ծնունդների ժամանակ և սգացել են մարդկանց մահանալու ժամանակ:
Թուրքական կողմը թույլատրել է տարեկան մեկ անգամ պատարագ անցկացնել Սուրբ Խաչում:
