Իրանի նախագահը ժամանում է Ղազախստան
Ռուսական РИА Новости լրատվական գործակալության փոխանցմամբ՝ Ղազախստանի նախագահ Նուրսուլթան Նազարբաևն այսօր Աստանայում կհանդիպի Իրանի նախագահ Հասան Ռոուհանիի հետ: Այս մասին հայտնել է Ղազախստանի ղեկավարի մամլո ծառայությունը:
Ռոուհանին պետական այցով է ժամանում Ղազախստան: Այդ այցը տեղի է ունենում Նազարբաևի հրավերով: Դա կլինի ոչ միայն Ղազախստան, այլև ընդհանրապես ողջ Կենտրոնական Ասիա Ռոուհանիի առաջին այցը:
Նազարբաևի ու Ռոուհանիի հանդիպման կենտրոնում են լինելու երկկողմ հարաբերությունները, դրանց զարգացումն ու խորացումը, ինչպես նաև տարածաշրջանային ու միջազգային կարևորագույն հարցեր:
