Էներգետիկ անվտանգությունը «Արևելյան գործընկերության» ռազմավարական նպատակն է. Ֆյուլե
Ադրբեջանական Trend լրատվական գործակալության փոխանցմամբ՝ եկել է տարածաշրջանի էներգետիկ ոլորտի խնդիրների ու քաղաքական իրավիճակի կարգավորման ժամանակը:
Այս մասին Բաքվում ընթացող ԵՄ-ի «Արևելյան գործընկերություն» ծրագրին մասնակից երկրների էներգետիկայի նախարարների հետ հանդիպման ժամանակ հայտարարել է ԵՄ-ի ընդլայնման ու հարևանության քաղաքականության հարցերով հանձնակատար Շտեֆան Ֆյուլեն.
««Արևելյան գործընկերության» ձևաչափը մեզ համար լավագույն գործիքն է, քանի հենց դրա շնորհիվ մենք ԵՄ-ում կարող ենք կենտրոնանալ այդ ձևաչափի մասնակիցների, ինչպես նաև ողջ տարածաշրջանի իրական կարիքների հետ:
Էներգետիկ անվտանգությունը «Արևելյան գործընկերության» ռազմավարական գլխավոր նպատակն է: Հուսով եմ, որ մենք կարող ենք կենտրոնանալ նաև էներգոարդյունավետության վրա»:
