Ռուսաստանը սպառնում է արևմտյան ավիաընկերությունների համար փակել իր օդային տիրույթը
Ведомости թերթին տված հարցազրույցի ժամանակ Ռուսաստանի վարչապետ Դմիտրի Մեդվեդևը հայտարարել է, որ Ռուսաստանը կարող է արևմտյան փոխադրողների առջև փակել իր օդային տիրույթը՝ ի պատասխան արևմտյան պատժամիջոցների:
Մեդվեդևը զգուշացրել է, որ եթե Արևմուտքը խստացնի Ռուսաստանի դեմ պատժամիջոցները, ապա իրենք կձեռնարկեն համարժեք պատասխան քայլեր: Մեդվեդևը կարծում է, որ եթե Ռուսաստանն արևմտյան ավիաընկերությունների համար փակի իր տիրույթը, նրանցից շատերը կսնանկանան, քանի որ նրանք արդեն իսկ գտնվում են գոյատևման շեմին:
ԵՄ-ը այսօր պետք է հայտարարի Ռուսաստանի դեմ նոր պատժամիջոցների մասին:
