Բեռնափոխադրումների ծավալը շարունակում է նվազել

2014 թվականի առաջին 7 ամիսների տվյալներով՝ ՀՀ բեռնափոխադրումների ծավալը անկում է ապրել 17.2%-ով և կազմել 5366.5 հազար տոննա։ Այս մասին տեղեկացնում է ՀՀ ազգային վիճակագրական ծառայությունը։

Ամենից շատ՝ 28.6 տոկոսով նվազել են ավտոմոբիլային բեռնափոխադրումները (ծավալը կազմել է 2726.5 հազար տոննա։

Երկաթուղային բեռնափոխադրումները նվազել են 3.3%-ով (ծավալը՝ 1668.9 հազար տոննա)։

Մայրուղային-խողովակաշարային բեռնափոխադրումներն աճել են 3.2%-ով և կազմել 964.9 հազար տոննա։

Օդային ճանապարհով բեռնափոխադրումների ծավալը չի փոխվել՝ 6.2 հազար տոննա։